ఉ.శ్రీరఘురామ చారుతులసీదళదామ శమక్షమాది శృం
గారగుణాభిరామ త్రిజగన్నుతశౌర్యరమాలలామ దు
ర్వార కబంధరాక్షసవిరామ జగజ్జనకల్మషార్ణవో
త్తారకనామ భద్రగిరి దాశరథీ! కరుణాపయోనిధీ!1
ఉ.రామ విశాలవిక్రమ పరాజిత భార్గవరామ సద్గుణ
స్తోమ పరాంగనావిముఖ సువ్రతకామ వినీల నీరద
శ్యామ కకుత్స్థవంశకలశాంబుధి సోమ సురారిదోర్బలో
ద్దామవిరామ భద్రగిరి దాశరథీ! కరుణాపయోనిధీ!2
చ.అగణితసత్యభాష శరణాగతపోష దయాలసజ్ఝరీ
విగతసమస్తదోష పృథివీసురతోష త్రిలోకపూతకృ
ద్గగనధునీమరంద పదకంజవిశేష మణిప్రభా ధగ
ద్ధగితవిభూష భద్రగిరి దాశరథీ! కరుణాపయోనిధీ!3
ఉ.రంగదరాతిభంగ ఖగరాజతురంగ విపత్పరంపరో
త్తుంగ తమఃపతంగ పరితోషితరంగ దయాంతరంగ స
త్సంగ ధరాత్మజాహృదయసారసభృంగ నిశాచరాబ్జమా
తంగ శుభాంగ భద్రగిరి దాశరథీ! కరుణాపయోనిధీ!4
ఉ.శ్రీద సనందనాది మునిసేవితపాద దిగంతకీర్తిసం
పాద సమస్తభూతపరిపాలవినోద విషాదవల్లికా
చ్ఛేద ధరాధినాథకుల సింధుసుధామయపాద నృత్తగీ
తాది వినోద భద్రగిరి దాశరథీ! కరుణాపయోనిధీ!5
ఉ.ఆర్యులకెల్ల మ్రొక్కి వినతాంగుఁడనై రఘునాథభట్టరా
చార్యుల కంజలెత్తి కవిసత్తములన్‌ వినుతించి కార్యసౌ
కర్యమెలర్పనొక్క శతకంబొనఁగూర్చి రచింతునేఁడు తా
త్పర్యమునన్‌ గ్రహింపుమిది దాశరథీ! కరుణాపయోనిధీ!6
చ.మసకొని రేఁగుబండ్లకును మౌక్తికముల్‌ వెలబోసినట్లు దు
ర్వ్యసనముజెంది కావ్యము దురాత్ములకిచ్చితి మోసమయ్యె నా
రసనకుఁ బూతవృత్తిసుకరంబుగఁ జేకురునట్లు వాక్సుధా
రసములు చిల్కఁ బద్యముఖరంగమునందు నటింపవయ్య సం
తసమును జెంది భద్రగిరి దాశరథీ! కరుణాపయోనిధీ!7
ఉ.శ్రీరమణీయహార యతసీకుసుమాభశరీర భక్తమం
దార వికారదూర పరతత్త్వవిహార త్రిలోకచేతనో
ద్ధార దురంతపాతకవితానవిదూర ఖరాదిదైత్యకాం
తార కుఠార భద్రగిరి దాశరథీ! కరుణాపయోనిధీ!8
చ.దురితలతాలవిత్ర ఖరదూషణకాననవీతిహోత్ర భూ
భరణకళావిచిత్ర భవబంధవిమోచనసూత్ర చారువి
స్ఫురదరవిందనేత్ర ఘనపుణ్యచరిత్ర వినీలభూరికం
ధరసమగాత్ర భద్రగిరి దాశరథీ! కరుణాపయోనిధీ!
9చ.కనకవిశాలచేల భవకాననశాతకుఠారధార స
జ్జనపరిపాలశీల దివిజస్తుతసద్గుణకాండ కాండసం
జనిత పరాక్రమ క్రమవిశారద శారద కందకుంద చం
దనఘనసార సారయశ దాశరథీ! కరుణాపయోనిధీ!10

అగస్త్యుడు

 *అగస్త్యుడు*

* అగస్త్యుడు మహాతపస్వి.

* ఆకాశాన్ని అతిక్రమించిన వింధ్యపర్వత గర్వాన్ని అణచివేసాడు.

*తన పైకి దాడిచేసిన తాటకను శపించాడు.

*వాతాపి ని జీర్ణం చేసుకున్నవాడు. 

* రామునికి దివ్యధనుస్సు, అక్షయతూణీరం, దివ్యఖడ్గం ఇచ్చాడు.

* సీతాదేవి సాహసాన్ని,  భర్తృప్రేమను కొనియాడాడు. 

* పంచవటి లో నివాసం ఏర్పాటు చేసుకోమని సూచించాడు. 

* రామునికి విజయం వర్ధిల్లుతుందని ఆశీర్వదించాడు. 

* రామరావణ యుద్ధసమయంలో యుద్ధరంగానికి వచ్చి రామునికి ఆదిత్యహృదయం ఉపదేశించాడు.

దశరధుడు - పాత్రస్వభావం

 *దశరధుడు*

* అయోధ్య రాజధానిగా కోసల రాజ్యాన్ని పాలించిన రాజు దశరధుడు.

* దేవతల పక్షాన రాక్షసులలో పలుమార్లు యుద్ధం చేసి విజయాన్ని అందించిన వీరుడు..

* ప్రజలను కన్నబిడ్డల్లా పాలించాడు. 

* సంతానం కోసం పుత్రకామేష్టి యాగం చేసి రామలక్ష్మణభరతశతృఘ్నులను పాత్రులుగా పొందాడు.

*పుత్రులంటే అమితమైన ప్రేమ.

* రాముడంటే ప్రాణం.

* ఆడినమాట తప్పనివాడు. 

*విశ్వామిత్ర యాగసంరక్షణకు రామలక్ష్మణులను పంపాడు. 

* కైకేయి వరాలను ఇవ్వడంలో సతమతం అయ్యాడు.

*రాముడు వనవాసానికి వెళ్లినప్పుడు పుత్ర పుత్రవియోగంతో మరణించాడు.

త్రిజట పాత్రస్వభావం

[06/04, 6:22 pm] Murali: 

*త్రిజట*

* విభీషణుని కూతురు.

* ధర్మ వర్తన కలది.

* సీతమ్మ ను భయపెడుతున్న రాక్షసస్త్రీలను అదలించేది. 

* రావణుడి కి  రామునిచేతిలో పరాజయం తప్పదని చెప్పింది.

* తన స్వప్న వృత్తాంతం చెప్పి సీతమ్మ కు ధైర్యం చెప్పేది.

* యుద్ధ సమయంలో రామలక్ష్మణులు మరణించినట్లు రావణుడు సీతను నమ్మించినపుడు అది అంతా రావణుడి మాయ అని చెప్పి సీతకు ధైర్యం చెప్పింది.

*గంజాయి వనం లో తులసి మొక్క వంటిది త్రిజట.