మురళి//నీలమా? ఎరుపా?//

చంద్రుని చుట్టూ గుడి కట్టిందంటే 

ఎండిన పైరుల గుండెలలో ఊపిరి 

నిండే జడి వానల తడి ఉంటుందని

ఎండిన డొక్కల రైతన్నల ఆశలు

అడియాశలు చేసిందిగదా ఈ నీలం



పొట్టకొచ్చిన పచ్చని పైరుపంటల చూసి

పొట్టనిండినదని పరవశమున రైతన్నలు 

పగిలిన నేలను చూసి గుండెపగిలి ఏడ్వగా

గుడి గట్టెనులే మడితడియును అని సంబరపడి 


ఘడియైనాకాకమునుపే ఓ నీలంతుఫాను

నీలుగుతూ నిక్కుతు నలుపెక్కిన రక్కసిలా

నిలువున ముంచెత్తుతు జడివానై కురియగ

అలజడి రేగెను అన్నదాత ఎడదలొ 


వరదల పాలైన ఏడాది రెక్కల కష్టం

ఐపోయెనులే బూడిదలో పోసిన పన్నీరు

రైతు కళ్ళల్లో నిండెన రక్తపు కన్నీరు



చేరిన వరదలు చెరువును తలపగ

బరువై బతుకులు, గుండెలు చెరువైపోగా

ఉండాలో, కడతేరాలో తేల్చుకోలేక 

తిండికికరువై రైతన్న తల్లడిల్లిపోగా

dt. 06-11-12