***సీతా కళ్యాణం***
అమ్మా!!!ముద్దుగుమ్మ - సక్కాని పైడిబొమ్మా!
ఆది విష్ణుకు నీవు - యిల్లాలువైతీవి
సక్కాని పసిడి బొమ్మా - సక్కాని బంగరు బొమ్మా
అమ్మ ! రావమ్మా! - రాగిడి చంద్రొంకా!
రంగైన నగలు - గీర్వాణి జటపాలి
చామంతి పువ్వులు -దరియించుదూవు
తమ్మిట్లు జుమకాలు - ఆపాల జోలీలు
నామాలు పుట్టిల్లు - అందమైనట్టి
వజ్రాల కామాల - యాముల్ల పట్టీ
పొందుగా వజ్రాల - కామాల దట్టి
దరియించుదూవు - అమ్మ రావమ్మా!
ఆ దండకడియాలు - బుజాల బందులూ
మురిడీలు గొలుసులూ - ముద్దు టుంగరాలూ
దరియించుదూవు - అమ్మ రావమ్మా!
నడుముకొడ్డాణంబు - యా నాగబందంబు
మువ్వలొడ్డాణంబు - మురిపాలమువ్వలు
దరియించుదూవు - అమ్మ రావమ్మా!
అందెలూ కడియాలు - అమరంగ పట్టీలు
మట్టెలు బొందులూ - ఘణ కంకనములూ
దరియించుదూవు - అమ్మ రావమ్మా!