♥ఫేమిలీ పేక్♥
నేను ఈరోజు మందుగుండు కొందామని బజారుకు వెళ్ళాను
తారాజువ్వను అడిగాను నీధర ఎంతని?
పోరా నీవేమికొనగలవ్ నీవేమైనా రాజువా!
చిచ్చుబుడ్ది నడిగా ఎందుకింత చిన్నబోయావని
చెంచాడు మందు,పొట్టనిండా మన్నే వుందంది
భూచక్రం బాగుందని దగ్గరికెళ్ళి ముట్తబోయా
భుస్సుమని భుసకొట్టి,ఎంతదైర్యం? కొనడానికేనా! అంది
కాకరపువ్వొత్తులైనా కాసిన్ని కొందామనుకున్నా
ఆకాశానికి వువ్వెత్తున పైకెగసిందట దాని ధర
వెన్నముద్దల నడిగా నీ వెల ఎంతుంటుందని
కొన్న ముఖమేనా నీదని చిన్నబుచ్చింది
సీమ టపాసులైతే చవకగా ఉంటాయని చూస్తే
సీమదొరసానిలా సొగసు చూపిస్తున్నాయి
లక్ష్మిబాంబులు లక్షణంగా వున్నాయికదాని
నచ్చి వెలచూడబోతె కళ్ళుపచ్చగా అయిపోయాయి
మతాబులైతే భలేఅని కితాబుఇస్తారని చూస్తే
మతలబు మడతల బేరాలే అర్ధం కాలేదు
కొవ్వొత్తులైతే కొంతనయం అనుకొంటే
కొవ్వుకరిగి కిందటేడాది కంటే చిక్కిపోయాయి
 అందుకె ఫేమిలీ పేక్ తో సరిపెట్టుకున్నాను.
13/11/12 దీపావళి వెలుగులతో కాంతి విరజిమ్మినట్లు,
అందరి జీవితాల్లో ఈ దీపావళి వెలుగులు నింపాలని కోరుకుంటూ.....!